الأسئلة الشائعة

ريك ميديا وكالة تسويق رقمي وإنتاج إعلاني من إسطنبول. منجمع التصوير، الإعلانات الممولة، الهوية البصرية، المواقع والمتاجر، السوشال ميديا، المونتاج، ولوحات التحكم تحت سقف واحد وبفريق واحد.

مقرّنا بإسطنبول، تركيا، ومنشتغل مع شركات بتركيا وسوريا والدول العربية. أغلب الشغل بيتم أونلاين، والتصوير بيصير بموقعك أو بالستوديو حسب نوع الشغل.

لأن كل شي عندنا مربوط ببعض: الصور مجهّزة للإعلانات، والإعلانات بتوصل لموقع جاهز، والأرقام بتطلع بتقارير واضحة. هيك ما بتضيع بين مصمم ومبرمج ومسوّق كل واحد بطريق.

أكيد. منبني الخطة على قد احتياجك وميزانيتك، سواء كنت مشروع ناشئ أو شركة كبيرة، ومنكبر الشغل معك خطوة بخطوة.

العربي هو الأساس بالمحتوى والتصاميم، ومنقدر نجهّز محتوى وواجهات بالتركي والإنكليزي حسب جمهورك.

بتحكي معنا عواتساب أو من نموذج التواصل، منفهم شغلك وهدفك، ومنرجعلك بخطة وعرض مكتوب. بس توافق منحدد موعد البداية ومنبلّش.

إي، أول جلسة لفهم مشروعك واقتراح الأنسب إلك مجانية وبدون أي التزام.

بيختلف حسب الخدمة وحجم الشغل. منحدد مدة كل مرحلة وموعد التسليم بشكل واضح بالعرض قبل ما نبلّش.

عندك تواصل مباشر معنا عواتساب، ومنبعتلك تحديثات بكل مرحلة، وبالخدمات المستمرة متل الإعلانات والسوشال بتستلم تقارير دورية بالأرقام.

أكيد. كل مرحلة فيها جولات تعديل متفق عليها بالعرض، وما منسلّم إلا لما تكون راضي عن النتيجة.

بتستلم الملفات النهائية بالصيغ المناسبة لكل استخدام: صور عالية الدقة، فيديوهات بمقاسات المنصات، ملفات مصدر للتصاميم، ووصول كامل لموقعك أو لوحتك.

السعر بيعتمد على الخدمة وحجم الشغل. بعد ما نفهم احتياجك منبعتلك عرض سعر واضح ومفصّل، بدون تكاليف مخفية.

في باقات للخدمات الشهرية متل السوشال ميديا والإعلانات، ومنقدر نعمل باقة متكاملة تجمع أكتر من خدمة بسعر أوفر.

طريقة الدفع ومواعيده منتفق عليها بالعرض. بالعادة الدفع بيكون على مراحل حسب تقدّم الشغل.

لا، ميزانية الإعلانات بتندفع مباشرة لمنصات ميتا وتيك توك من حسابك، وأتعاب إدارة الحملات بتكون منفصلة. هيك بتكون مسيطر على صرفك.

إي، كل شغل بيكون عليه عرض مكتوب بيحدد الخدمات والمدة والسعر، ومنقدر نعمل عقد رسمي حسب طلبك.

حسب نوع الشغل: بموقعك (مطعم، عيادة، محل) أو بالستوديو للمنتجات.

بيختلف حسب حجم الجلسة، ومنحدد موعد التسليم بشكل واضح قبل ما نبلّش.

أكيد، الصور مجهّزة ومقاساتها مناسبة للإعلانات الممولة والسوشال.

منقدر نساعد بتأمين موديلات حسب الطلب والميزانية.

منستخدم كاميرات وعدسات وإضاءة احترافية بتناسب نوع التصوير، سواء منتجات صغيرة أو أماكن أو فيديو.

إي، منصوّر فيديوهات ريلز وإعلانات قصيرة، ومنقدر نكمّل المونتاج عندنا.

منقترح الميزانية حسب هدفك وسوقك، ومنبلّش بشي منطقي ومنكبّر حسب النتائج.

الميزانية الإعلانية بتندفع مباشرة لميتا أو تيك توك من حسابك، وأتعاب الإدارة منفصلة.

أول مؤشرات بتبين خلال أيام، والتحسين الحقيقي بيصير مع الوقت والبيانات.

إي، منقدر نستهدف أي سوق متاح على المنصات الإعلانية.

فيسبوك وإنستغرام (ميتا) وتيك توك، ومنختار المنصة الأنسب حسب جمهورك وهدفك.

ما حدا بيقدر يضمن رقم مبيعات محدد، بس منضمن شغل مدروس: استهداف صح، تتبع دقيق، وتحسين مستمر بناءً على الأرقام.

الحساب الإعلاني والبكسل بيكونوا باسمك وتحت ملكيتك، ونحنا منشتغل عليهم بصلاحيات منك.

منقدّم أكتر من اتجاه بالبداية، ومنتفق مسبقاً على عدد جولات التعديل.

إي، بتستلم ملفات المصدر والشعار بكل الصيغ اللي بتحتاجها.

أكيد، أحياناً التطوير أذكى من التغيير الكامل ومنقترح الأنسب.

منقدر نساعد بالأفكار والتحقق المبدئي من توفر الاسم على السوشال والدومين.

الشعار بكل نسخه (ألوان، أبيض، كحلي، فكتور)، لوحة الألوان والخطوط، ودليل استخدام الهوية، وقوالب للسوشال والمطبوعات حسب الباقة.

أكيد، منقدر نحدّث الشعار الحالي ونحافظ على روحه، أو نبني هوية جديدة بالكامل حسب رغبتك.

بعد التسليم والدفع الكامل، كل حقوق الشعار والهوية بتصير إلك.

إي، منبني الموقع بلوحة إدارة سهلة ومنعلّمك عليها.

أكيد، كل مواقعنا متجاوبة ومجرّبة على الموبايل والتابلت.

إنت المالك، والدومين والملفات باسمك.

إي، في خيارات دعم وصيانة شهرية حسب احتياجك.

حسب المشروع: ووردبريس للمواقع التعريفية والمتاجر، أو برمجة مخصصة للأنظمة الخاصة. المهم يكون سريع وآمن وسهل تديره.

إي، كل مواقعنا متجاوبة ومصممة للموبايل أولاً لأن أغلب الزوار جايين منه.

منقدر نأمّنهم إلك ونجهّز كل شي، أو نشتغل على استضافتك الحالية. والدومين بيكون باسمك.

إي، منسلّمك لوحة إدارة سهلة ومنشرحلك كيف تعدّل النصوص والصور والمنتجات.

إنستغرام، فيسبوك، تيك توك ولينكدإن حسب جمهورك.

حسب الباقة اللي بتناسبك، ومنتفق على العدد من البداية.

منقدر ندير الرد على التعليقات والرسائل حسب الاتفاق.

بالعربي، ومنقدر نضيف التركي أو الإنجليزي حسب جمهورك.

عدد المنشورات والستوريز والريلز بيتحدد بالباقة حسب هدفك، وبيكون مكتوب بخطة المحتوى الشهرية.

فريقنا بيكتب المحتوى والكابشن بلهجة بتناسب جمهورك، وبتوافق على الخطة قبل النشر.

حسب الباقة، منقدر ندير الردود على التعليقات والرسائل بالتنسيق معك.

إي، منقدر نمنتج موادك الموجودة ومنحسّن جودتها.

منتفق على عدد جولات التعديل قبل البداية.

إي، منأمن تعليق صوتي عربي بلهجات مختلفة حسب الطلب.

الموشن جرافيك رسوم متحركة بتشرح فكرة، والفيديو العادي بيعتمد على التصوير.

المونتاج هو تركيب وتحرير فيديو مصوّر، أما الموشن جرافيك فهو فيديو متحرك بالرسوم والنصوص لشرح خدمة أو فكرة بشكل بسيط.

إي، منضيف ترجمة على الفيديو ومنقدر نأمّن تعليق صوتي حسب اللغة واللهجة المطلوبة.

بالمقاسات المناسبة لكل منصة: عمودي للريلز والتيك توك، مربع ومستطيل للإعلانات واليوتيوب.

نظام خاص فيك بتدير منه زبائنك، طلباتك، مخزونك، موظفينك وأرقامك من مكان واحد، بالعربي ومن أي جهاز.

البسيطة لمتابعة الأساسيات، المرنة بتتطور مع شغلك وفيها تقارير وصلاحيات، والمتقدمة للأنظمة الكبيرة بفروع وربط مع أنظمة تانية.

إي، كل لوحة فيها تسجيل دخول وصلاحيات واتصال مشفّر ونسخ احتياطي، وبياناتك ما بتنشارك مع أي حدا.

أكيد، بصفحة لوحات التحكم في نماذج ديمو حسب نوع الشغل والمستوى، ومنقدر نعملك تصور أولي لفكرتك.

إي، منبنيها بطريقة بتسمح نضيف أقسام وميزات جديدة بأي وقت.

بعد الدفع الكامل، كل الملفات والتصاميم والمحتوى اللي اشتغلناه إلك بتصير ملكك. وأي استثناء (متل صور أو خطوط مرخّصة) منوضّحه بالعرض.

إي، معلوماتك وبياناتك ما بتنشارك مع أي طرف تالت، ومنقدر نوقّع اتفاقية سرية إذا بدك.

منسألك قبل. إذا ما بدك نعرض الشغل، ما منعرضه.

منجهّز الموقع بصفحات الخصوصية وسياسة الكوكيز، ومنستخدم أدوات التتبع بشكل متوافق مع القوانين. التفاصيل بصفحة سياسة الخصوصية.

أسرع طريقة عواتساب من الزر الموجود بكل صفحة، أو من نموذج طلب عرض السعر بصفحة تواصل معنا.

منحاول نرد بأسرع وقت خلال أوقات الدوام، وبنفس اليوم بأغلب الأحيان.

إي، منضل معك بعد التسليم لأي سؤال أو مشكلة، وفي باقات دعم وصيانة شهرية للمواقع ولوحات التحكم.

من صفحة أصول العلامة بالموقع، فيها الشعارات والألوان والخطوط والقوالب الرسمية.